قصيدة للشاعر ابن فطيس المري..!

السلام عليكم و رحمة الله و بركاته .

يسعدني اقدم لكم

قصيدة لابن فطيس المري

تفضلوا


في المقناص

راع القنص مسجون وفراجه سهيل
وشلون مايبغون شوفـه يشوقـه
اللي يعـدون الصقـاره غرابيـل
ما ذاقوا اللي فالصحـاري نذوقـه
انقوم صبح ونرقد من اول الليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب شروقـه
برض ٍبها لبرق الدواغر مداهيـل
قد مرها الوسمي وشافت بروقـه
نسيمها كن فيه من نكهـة الهيـل
يكفخ بخفـاق ٍ قبضـه معلوقـه
ما شيف فيها الا ثر الصيد والسيل
وخاطي ثر ٍ للـي يـدور لنوقـه
الصيد فيها لـه مـداس ومقاييـل
كنك لها من كـل ديـره تسوقـه
وندوج بأشقر صافي الظهر والذيل
مطروح قد ريشة ظهره محروقـه
له هيبة فالجـو قبـل المحابيـل
فرخ العقاب ايخاشره في حقوقـه
على عيونه له قحـوف ٍ مضاليـل
اقحوف شيخ ٍ تاج الامجاد فوقـه
يطلع وطلعه لا طلع.. طلع دربيـل
زود ٍ على طلعه وطبعه.. لحوقـه
لاقفت تغرف الجو وتجـر وتميـل
راع الحمامه دونهـا مـا يعوقـه
اذكر عليه اللي له الحول والحيـل
الى اتقت من تحت ذيله اسبوقـه
اطياره ايخلـي المقافـي مقابيـل
ارماش عين اللي قذى العج موقه
هاذي طراة العمر من دون تقليـل
بهواية اللي ذوقنـا غيـر ذوقـه
وهذا اللي يحبب هل الطير بسهيل
وخوة رجال ٍ الخوى مـا تبوقـه
موجز عن المقناص ماهو بتفصيل
وكل ٍيمدح ربح سوقـه بسوقـه




مع تحياتي
الدعم الفني / غريب نجد شرطة

ما شاء الله عليك دائماً مبدع يا غريب نجد

و نحن ننتظر مشاركاتك الجديدة و ابداعاتك الرائعة

الدعم الفني / حسان شرطة

قصيده رائعه جدا هههههههههههههههههههه

مشكوووووووووووووورين الف شكر على المرور